![](c/2405/IG-5E1FPVK-5LJMLGP-1OCO23U-EE.jpg)
Өмнөд Солонгосын үндэстэн дамнасан хоёр дахь том компани болох “SK” группийн тэргүүн Чой Тэ Вон хуучин эхнэртээ гэр бүл цуцлуулсны дараа эд хөрөнгийг хуваах нэхэмжлэлийн дагуу 1.38 их наяд вон (1 тэрбум ам.доллар) төлөх ёстой болжээ. Ийм шийдвэрийг тус улсын давж заалдах шатны шүүхээс гаргасан байна.
Тэрбум доллар гэдэг нь Өмнөд Солонгост гэр бүл цуцлах процессын түүхэн дэх хамгийн том мөнгөн дүн юм. Чой Тэ Вон 1988 онд БНСУ-ын Ерөнхийлөгч Ро Дэ Вугийн охин Ро Со Ёнтой гэрлэжээ. Тэд гурван хүүхэдтэй болсон байна. Тэрбээр хүүхдийг нь төрүүлсэн нууц амрагтай гэдгээ 2015 онд хүлээн зөвшөөрчээ.
2017 онд тэрбээр өмч хуваах гэрээг санал болгожээ. 2019 онд Ро Со Ён "SK" группт эзэмшдэг хувьцааныхаа тал хувийг өөрийнх нь нэр дээр шилжүүлэхийг шаардсан байна. Компанийнхаа хувьцааг Чой Тэ Вон эцгээсээ өвлөн авсан тул хуваах боломжгүй гэж гэр бүлийн шүүх 2022 онд шийдвэрлэжээ. Шүүх Ро Со Ёнд 66.5 тэрбум вон буюу 48.3 сая ам.доллар өгөх шийдвэр гаргасан байна.
Гэсэн хэдий ч пүрэв гарагт буюу өчигдөр давж заалдах шатны шүүх "Ро Со Ёнтой гэр бүл болсон, эхнэрийнх үйл ажиллагаа зэрэг нь тус группийн хөрөнгө өсөхөд нөлөөлсөн" гэж үзжээ.
Шүүхээс хуучин эхнэр, нөхөр хоёрын хамтын өмчийг дөрвөн их наяд воноор үнэлж, түүний 35 хувийг Ро Со Ёнд өгсөн байна. Уг мөнгийг бэлнээр төлөх ёстой аж. Чой Тэ Воны тал дахин давж заалдана гэдгээ мэдэгджээ.