![](c/2406/RB-6BSTE22-6VU52NV-IAITF9G-H4.jpg)
Украинд ялынхаа хугацааг богиносгох зорилгоор фронт руу явах хүсэлтэй хоригдлуудаас шоронгийн ажилтнууд авлига авч байна хэмээн нутгийн хоригдлуудын эрхийг хамгаалах төрийн бус байгууллагууд мэдээлж байна.
Галын шугамд илгээх цэргийн хомсдолд ороод байгаа Киев зарим хоригдлууд фронт руу явж ялынхаа хугацааг богиносгох боломжтой шинэ систем нэвтрүүлсэн билээ. Тус хууль тавдугаар сард батлагдаж, хууль зүйн яамны сайд Денис Малюска “Алуурчид дайсантай сайн тулалдаж чадна” хэмээн ярилцлага өгч, олны дургүйг хүргэсэн билээ. Гэвч тус хуулиар тодорхой цөөн хэдэн гэмт хэрэгт холбогдсон хоригдлууд л фронт руу явах боломжтой юм.
Эх сурвалжуудын мэдээлж байгаагаар шоронгийн ажилтнууд фронт руу явах хүсэлтээ өгсөн хоригдлуудаас мөнгө нэхэж, өгөхгүй бол хувийн хэргийг нь дээш илгээхгүй хэмээж байгаа аж. Эсвэл мөнгө өгөх боломжгүй хоригдлуудаас фронтод очмогцоо эхний цалингаа хураалгахыг шаардаж байгаа гэнэ.
Эх сурвалж: RT