ИБУИНВУ-ын Таймс, Телеграф тэргүүтэй мэдээллийн хэрэгслүүд өчигдөр/06.17/ ОХУ-ын Ерөнхийлөгч Владимир Путин батлан хамгаалахын дөрвөн ч дэд сайдаа сольж, үеэлийнхээ охиныг томилж байна хэмээн мэдээлэв.

Эх сурвалжуудын мэдээлснээр В.Путин Николай Панков, Руслан Чаликов, Татьяна Шевцова, Павел Попов нарыг ажлаас нь чөлөөлсөн бөгөөд хэдийн дараагийн дэд сайдуудаа сонгочихсон байгаа гэнэ.

Тухайлбал сангийн тэргүүн дэд сайд асан Леонид Горнин батлан ​​хамгаалахын тэргүүн дэд сайдын албан тушаалд уухаар болсон байна. Үлдсэн гурван орон тоонд ОХУ-ын гадаад тагнуулын албаны захирал асан Махаил Фрадковын хүү Павел Фрадков, Эдийн засгийн хөгжлийн дэд сайд асан Олег Савельев, Анна Чивилева нар томилогдсон байна.

Эдгээр нь бүгд Путины дотны холбоотнууд бөгөөд ялангуяа Анна Чивилева бол үеэл Евгений Путины охин юм. Мөн үеэл Евгений Путины нөхөр Сергей Чивилев өнгөрсөн сард эрчим хүчний сайд болсон билээ.

Эх сурвалж: Yonhap