Энэтхэгийг 25 жилийн дотор хөгжингүй орон болгоно гэж амлав
8 сарын 16. 18:370

Энэтхэг улс тусгаар тогтнолоо зарласны 75 жилийн ойн баярын арга хэмжээний үеэр тус улсын Ерөнхий сайд Нарендра Моди “Дэлхий Энэтхэгийг өөрөөр хардаг болсон” гэв.

Тэрбээр шинжлэх ухаан, технологи, аж үйлдвэрлэлийг хөгжүүлэхдээ хараат бус байдлаа хангахын зэрэгцээ олон улсын хамтын ажиллагааг сайжруулах тухай ярьсан юм. Өнөөдрийн байдлаар Энэтхэг мэдээлэл технологи, эм хангамж, сансрын шинжлэх ухаан, цөмийн эрчим хүчний салбарт тэргүүлэгч орнуудын эгнээнд хэдийн шилжсэн. Харин ирэх жилүүдэд Энэтхэгт олон тэрбум ам.долларын хөрөнгө оруулалт орж ирэх бөгөөд удахгүй аж үйлдвэрлэлийн төв улс болох тухай онцолсон байна.

Харин АНУ-ын Ерөнхийлөгч Жо Байден тус улсыг “нэн чухал түнш” хэмээгээд “Хоёр орны хөгжил цэцэглэлт, аюулгүй байдлыг бэхжүүлж, дэлхий дахинд тулгарч буй бэрхшээлүүдийг шийдвэрлэхэд хамт хүчин зүтгэх болно” гэв.

Эх сурвалж: AP

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ