Даваа гарагт Nikkei Asia веб хуудаснаас мэдээлснээр Японы Сангийн дэд сайд Кенжи Кандагийн эзэмшдэг компани татвараас зайлсхийсэн нь ил болсноор тэрээр огцрох хүсэлтээ өргөн барьжээ. Улмаар засгийн газраас ноён Кандагийн огцрох хүсэлтийг зөвшөөрсөн байна.
Түүний зүгээс өнгөрөгч долоо хоногт татвараас зайлсхийснээ хүлээн зөвшөөрөөд байсан юм.
Үйл явдлын хүрээнд ерөнхий сайд Фумио Кишидагийн зүгээс ард иргэдээсээ уучлалт гуйжээ. Учир нь ноён Кандагийн хувьд өнгөрөгч есдүгээр сард л албан тушаалаа хүлээн аваад байсан юм.
Тийнхүү хэвлэлийнхний зүгээс ноён Кишидагаас түүний эл шийдвэрийн хариуцлагыг хэрхэн хүлээхийг тодруулахад тэрээр, “Миний итгэж байгаагаар бид нэгэнт хүлээсэн үүргээ биелүүлэх замаар олон нийтийн итгэлийг эргүүлэн олж авах хэрэгтэй. Кандаг энэ албанд томилсон хариуцлагаа би бүрэн хүлээнэ” гэжээ.
Эх сурвалж: The Japan Times