Пүрэв гарагт Туркийн Төв банк бодлогын хүүгээ өсгөж, 40 хувьд хүргэжээ.
Ийн шийдвэрлэхээс өмнө тус улс дахь бодлогын хүү 35 хувьтай байсан юм. Улмаар тэд пүрэв гарагт бодлогын хүүгээ 5 бүхэл нэгжээр өсгөсөн нь мэргэжилтнүүдийн таамаглаж байснаас ч илүү өндөр өсөлт болжээ.
Үйл явдлын хүрээнд Туркийн Төв банкнаас мэдэгдсэнээр тэдний бодлогын хүү одоо л инфляцад нөлөөлөх хэмжээнд дөхөж байна гэсэн юм. Тус улсын инфляцын хувьд өнгөрөгч аравдугаар сард 61.36 хувьтай бүртгэгдсэн бөгөөд ирэх оны тавдугаар сард дээд үзүүлэлтдээ хүрч, 70-75 хувьд шүргэнэ гэжээ.