АНУ: Хилийн аюулгүй байдал, гадаадын тусламжийн тухай хуулийн төсөлд хориг тавьжээ
2 сарын 8. 14:240

АНУ-ын Сенатын танхим дахь Бүгд найрамдах намын /БНН/ гишүүд Украин, Израил, Тайваньд тусламж үзүүлэх, хилийн аюулгүй байдлыг хангах заалтуудыг багтаасан багц хуулийн төсөлд хориг тавьжээ.

Хуулийн төслийг хэлэлцүүлэхэд 60 санал шаардлагатай байсан бол 49:50 гэсэн саналын харьцаагаар дэмжигдсэнгүй. Ингэснээр дөрвөн сарын турш үргэлжилсэн хил хамгаалалтыг бэхжүүлэх асуудлаарх бүтэл муутай хэлэлцээнд албан ёсоор цэг тавилаа.

Бүгд найрамдахчууд эхэндээ Украинд үзүүлэх тусламжийг баталсны хариуд хилийн бодлогод өөрчлөлт оруулахыг шаардаж байсан боловч энэ долоо хоногт хилийн тухай төслийг танилцуулсны дараа түүнийг хангалтгүй гэж үзээд тохиролцооноосоо ухарчээ. Төлөөлөгчдийн танхим дахь БНН-ын фракцын удирдлага өмнө нь уг хуулийн төслийг өргөн барьсан даруйд хүлээн авахгүй гэдгээ мэдэгдсэн нь тус намаас сонгогдсон олон сенатч эсрэг санал өгөхөд нөлөөлсөн байна.

Сенатын танхимын БНН-ын дөрвөн гишүүн хуулийн төслийг хэлэлцүүлэхийг дэмжсэн нь хилийн асуудлаарх хэлэлцээнд идэвхтэй оролцсон сенатч Жеймс Ланкфорд, Сюзан Коллинз, Митт Ромни, Лиза Мурковски нар байлаа. Мөн Ардчилсан намын таван сенатч эсрэг санал өгчээ.

Сенат дахь олонхын бүлгийн дарга Чак Шумер лхагва гарагт санал хураахын өмнө хилийн асуудлаар байр сууриа өөрчилсөн Бүгд найрамдах намынхныг хүчтэй шүүмжилж, үүнийг Ерөнхийлөгч асан Дональд Трампын эсэргүүцэлтэй холбон тайлбарласан байна. “Бүгд найрамдахчууд үүнийг хийх нь зөв гэдгийг мэдсээр байж яагаад хилийн асуудал дээр ухрах болов? Хоёрхон үгээр хариулъя, энэ бол Дональд Трамп” гэж Ч.Шумер хэлжээ.

Сенат дахь Ардчилсан намын бүлгийн удирдлага одоо лхагва гаргийн орой зөвхөн Украин, Израил, Тайваньд үзүүлэх тусламжийн асуудлыг багтаасан хуулийн төслийг хэлэлцэх эсэх асуудлаар санал хураалт явуулахаар төлөвлөжээ. Түүнийг хэлэлцүүлэхэд шаардлагатай санал бүрдэх эсэх нь одоогоор тодорхойгүй байна.


Эх сурвалж: Politico /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Шатахуун экспортлохыг хориглох шийдвэр хэрэгжиж эхэлжээ
02024-3-1 17:55
Кубын талд тагнуул хийсэн Америкийн дипломатч гэм буруугаа хүлээнэ
02024-3-1 17:37
Газад өлсгөлөн нүүрлэх эрсдэл нэмэгдэж байгааг НҮБ анхаарууллаа
02024-3-1 17:22
В.Путин Холбооны хуралд жил тутмын илгээлтээ сонсголоо
02024-3-1 16:08
Засгийн газрын санхүүжилтийг сунгах тухай хуулийн төслийг Конгресс баталжээ
02024-3-1 16:01
Apple ID-ийн нэрийг өөрчилнө
02024-3-1 15:56
Mайкрософт компани санхүүгийн ажилтнуудад зориулан AI чатбот гаргана
02024-3-1 15:41
Хэт боловсруулсан хүнс олон төрлийн өвчлөлд хүргэдэг болохыг тогтоожээ
02024-3-1 15:35
Польш: Украины оронд Оросын хөдөө аж ахуйн бүтээгдэхүүний импортыг хязгаарлаж магадгүй
02024-3-1 9:41
Amazon хиймэл оюун ухаан, робот техник хөгжүүлэгч компаниудад хөрөнгө оруулахаар 1 тэрбум ам.долларыг төвлөрүүлжээ
02024-3-1 4:19