Төв Ази, Персийн булангийн орнууд түншлэлээ бэхжүүлнэ
4 сарын 15. 18:490

“Төв Ази - Персийн булангийн Арабын орнуудын хамтын ажиллагааны зөвлөл” стратегийн яриа хэлэлцээний гишүүн орнуудын Гадаад хэргийн сайд нарын хоёр дахь удаагийн уулзалт Ташкент хотод өнөөдөр эхэллээ.

“Энэхүү уулзалт нь стратегийн хувьд чухал хоёр бүс нутаг болох Төв Ази ба Персийн булангийн Арабын орнуудын хамтын ажиллагааг цаашид бэхжүүлэх гэсэн бидний эв санааны нэгдэл, тууштай байдлын тод нотолгоо юм” гэж Узбекистаны Гадаад хэргийн сайд Бахтиёр Саидов уулзалтыг нээж үг хэлэхдээ онцоллоо.

Уулзалтад оролцогсод 2023 оны долоодугаар сарын 19-нд Жидда хотноо болсон Төв Азийн орнууд, Персийн булангийн Арабын орнуудын хамтын ажиллагааны зөвлөлийн анхдугаар дээд хэмжээний уулзалтын хүрээнд байгуулсан гэрээний хэрэгжилтийн явц, мөн улс төр, худалдаа эдийн засаг, хөрөнгө оруулалт, зам тээвэр, харилцаа холбоо, соёл, хүмүүнлэгийн салбар, аюулгүй байдал, байгаль орчныг хамгаалах чиглэлээр хамтын ажиллагааг хөгжүүлэх талаар хэлэлцэхээр төлөвлөжээ.

Түүнчлэн Самарканд хотод 2025 онд зохион байгуулахаар төлөвлөж буй дараагийн дээд хэмжээний уулзалтын бэлтгэл ажлын талаар санал солилцох ажээ. Казахстан, Киргизстан, Тажикистан, Туркменистан, Узбекистан болон Персийн булангийн хамтын ажиллагааны зөвлөлийн гишүүн орнуудын /Бахрейн, Катар, Кувейт, АНЭУ, Оман, Саудын Араб/ Гадаад хэргийн сайд нар оролцож буй уг уулзалтын дараа хамтарсан мэдэгдэл гаргана.


Эх сурвалж: UZA /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Жүжигчин Милли Бобби Браун дуучин Жон Бон Жовигийн хүүтэй гэрлэжээ
02024-5-25 14:42
Шизофренийн талаарх олон нийтийн дунд тарсан ташаа ойлголтууд
02024-5-24 22:33
Алдарт “Doge” миймийн Кабосу нохой амьсгал хураажээ
12024-5-24 19:41
Bark Air - Тэжээвэр нохойтой зорчигчдод зориулагдсан анхны авиакомпани
12024-5-24 19:04
2024/05/22: Тойм мэдээ
02024-5-24 11:36
TSMC: Энэ онд дэлхийн хагас дамжуулагчийн үйлдвэрлэл 10 хувиар өснө
02024-5-24 4:05
222 жилийн түүхтэй АНУ-ын DuPont химийн компани гурван компани болон хуваагдана
02024-5-24 3:04
Зах зээлийн хүлээлтээс давсан гүйцэтгэл зарласан Nvidia-гийн нэгж хувьцаа 1000 ам.долларыг давжээ
02024-5-23 13:36
Балбын ахмад шерпа Эверестийн оргилд 30 дахь удаагаа гаран шинэ дээд амжилт тогтоожээ
12024-5-23 11:54
2 хоногтой нярайг уруул дээр нь үнэрлэснээс болж тархины саажилттай болжээ
332024-5-22 17:28