Украины талаас нисгэгчгүй нисэх төхөөрөмж ашиглан фронтоос гүнд цохилт өгөх чадал нэмэгдэж байгаагаас болоод Москва чимээгүйхэн Ерөнхийлөгчийнхөө гэрийн хамгаалалтыг зузаатгаж байна.

Хиймэл дагуулаас авсан зургаас үзвэл, В.Путины Новгород дахь Валдай нуурын эрэг дээрх зуны ордны эргэн тойронд агаараас хамгаалах Панцир-С1 систем хэд хэдээр нь байрлуулсан байна.

Албан ёсны эх сурвалжуудын мэдээлж байгаагаар Украины нисгэгчгүй нисэх төхөөрөмжүүдийн чадал сайжирч, тулааны шугамаас дотогш цохилт өгөх болсонтой зэрэгцэн албаныхан нууцаар Ерөнхийлөгч Путины хамгаалалтыг зузаатгаж эхэлсэн байна.

Орост бүтээсэн Панцир-С1 систем бол ойрын тусгалтай пуужин болон дроноос хамгаалах зориулалттай систем юм.

Эх сурвалж: CNN