Африк цэргүүдийг Чеченьд бэлдэнэ
5 сарын 14. 11:350

Өмнөд Африкийн Гвиней-Бисау улсын Ерөнхийлөгч Умару Сиссоку Имбало улсынхаа цэргүүдийг Чеченьд байрлах Оросын тусгай хүчний их сургуульд бэлдүүлэх тухай санаачилсныг Рамзан Кадиров өнгөрсөн долоо хоногт зарласан билээ.

Имбало ОХУ-д хийж буй айлчлалынхаа хүрээнд өнгөрсөн баасан гарагт Чеченийн нийслэл Грознид очиж, Кадировтой уулзахдаа дээрх санаагаа илэрхийлсэн байна.

“Бид хоёр орны найрамдалт харилцаа, харилцан ашигтай хамтын ажиллагааг хөгжүүлэхийн тулд боломжит арга замуудын тухай хэлэлцсэн. Харин Имбало хэд хэдэн салбарт хамтран ажиллахын сацуу Гвиней-Бисау болон ОХУ-ын харьяа Чеченийн бүгд найрамдах улсын хоорондох ах дүүсийн харилцаагаа бататгахдаа бэлэн гэдгээ илэрхийллээ” хэмээн Чеченийн удирдагч Кадиров мэдэгдэв.

Грознид зочлохынхоо өмнө Имбало ОХУ-ын Ерөнхийлөгч Владимр Путинтэй тавдугаар сарын 9-ний ялалтын баярын сүрт жагсаалд оролцсоных нь дараа Москвад уулзсан билээ.

Кремлийн мэдээлснээр тус уулзалтын үеэр Москва Гвиней-Бисау улсаас илүү олон оюутан Оросд сургахын тулд квотын тоогоо нэмэхэд бэлэн байгаа талаар Путин саналаа илэрхийлсэн гэнэ.

Тухайлбал, Путин “ОХУ болон Гвиней-Бисау улсууд дэлхийн хэмжээнд тулгамдаж буй олон чухал асуудлыг шийдвэрлэхдээ эв санааны нэгдлээ харуулж, олон туйлт дэлхийн дэг журам бий болох, аюулгүй байдлын асуудлаар ойр дотно байр суурьтай байна. Цаашид ч олон чухал асуудал дээр энэ харилцаагаа хадгална гэдэгт найдаж байна” хэмээжээ.

Хариуд нь Имбало найдвартай түнш хэвээр байхаа Москвад амлан “Бид сайн холбоотнууд. Цаашид ч энэ хэвээрээ байна” гэжээ.

Тэртээ 1974 онд ЗХУ-ын дэмжлэгтэйгээр Португалаас салан тусгаарласнаасаа хойш Гвиней-Бисау улс 50 жилийн турш Москватай дипломат харилцаагаа хадгалж ирсэн түүхтэй.

Москва дахь эдийн засгийн сургуулийн Африк судлалын төвийн захирал Андрей Масловын хэлснээр Гвиней-Бисау улсын цэрэг, аюулгүй албаны ихэнх удирдагч ЗХУ, ОХУ-д бэлтгэгдсэн байдаг гэнэ.

Тэрээр “Гвиней-Бисау улсад орчин цагт тулгарч байгаа олон асуудлыг шийдвэрлэхэд маш сайн бэлтгэгдсэн тусгай хүчин шаардагдаж байна. Тухайлбал, далайн дээрэм, хар тамхины наймаа гэх мэт. Тэдэнд гадны дайсан үгүй, хөрш орнуудтайгаа найрсаг харилцаатай” гэжээ.

Эх сурвалж: RT

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
"Формула-1"-ийн долоо дахь гараа Италид эхэлж байна
02024-5-17 14:22
The Himalayan Times: Уулчин Ц.Өсөхжаргалын цогцсыг олжээ
02024-5-17 14:01
“Фүкүшима-1”-ийн усыг асгах зургаа дахь үе шатны ажиллагаа эхэлжээ
02024-5-17 12:52
III Аменхотепын дүр төрхийг сэргээжээ
02024-5-17 11:23
Дэлхийн хүн амын дундаж наслалт 2050 он гэхэд 5 жилээр нэмэгдэнэ
02024-5-17 11:17
Рафахт өргөн хүрээтэй цэргийн ажиллагаа явуулахгүй байхыг уриалжээ
02024-5-17 11:12
К.Роналду хамгийн өндөр орлоготой тамирчдын жагсаалтыг дахин тэргүүллээ
12024-5-17 11:08
Хамгийн богино ажлын цагтай Герман улс илүү цагаар ажиллахыг бодлогоор дэмжинэ
02024-5-17 7:51
Нэг үе тонн нь 10.000 ам.доллароос даваад байсан какаоны үнэ нэг өдрийн дотор 20 хувиар унажээ
02024-5-17 7:10
26 жилийн турш сураггүй алга болоод байсан эрийг хөрш нь хулгайлсан байжээ
02024-5-16 19:21