Домогт Линкин Дарк хамтлаг шинэ цомог, шинэ аялан тоглолт, шинэ дуучинтай, шинэ бөмбөрчинтэй эргэн ирнэ гэдгээ зарлажээ. Түүнчлэн Дээд Сара хамтлагийн дуучин Эмили Армстронгийг элсүүлэн авснаа дэлгэн “The emptiness machine” хэмээх дуу цацсан байна.

Агуу дуучин Честер Беннингтон агсны үлдээсэн асар том хоосон зайг дүүргэлцэх бэрх үүрэг Армстронгод оногдсон нь хамтлагийн шүтэн бишрэгчдийн сонирхлыг ихэд татаж байгаа юм. Түүнээс гадна Линкин Паркийн бүрэлдэхүүнд үндсэн гишүүд болох дуучин, хөгжимчин Майк Шинода, Жой Хан, гитарчин Брэд Делсон, баргил гитарчин Феоникс байх агаад хуучин бөмбөрчин Роб Бурдоны оронд Колин Бриттайн гэгч орж байгаа гэнэ.

Шинэ бүрэлдэхүүнээрээ тэд есдүгээр сарын 11-нд Лос Анжелесаас эхлэн Брүүклин, Нью-Йорк, Хамбург, Лондон, Сөүл, Колумбын Богота хотоор аялан тоглох аж. Түүгээр зогсохгүй 2025 онд бүүр ч олон улсаар аялан тоглох төлөвлөгөөтэй байгаа гэнэ.

Харин шинэ цомгийн хувьд “From Zero” нэртэйгээр 11 дуу багтаан арва нэгдүгээр сарын 15-нд гарахаар болжээ.

Эх сурвалж: CONSEQUENCE