Ираны эрх баригчид сонгуулийн үйл явцтай холбоотой цаг хугацааг судалсны эцэст зургаадугаар сарын 28-нд шинэ ерөнхийлөгчийг сонгохоор товложээ.

Ингэхдээ нэр дэвшигчдийг бүртгэх ажиллагааг тавдугаар сарын 30-наас зургаадугаар сарын 3-ны хооронд, сонгуулийн сурталчилгааг зургаадугаар сарын 12-27-ны хооронд явуулахаар шийдвэрлэсэн байна.

Исламын Бүгд Найрамдах Иран Улсын Үндсэн хуулийн 131 дүгээр зүйлд гүйцэтгэх засаглалын үйл ажиллагааг 50 хоногийн хугацаанд хариуцах зөвлөлийг байгуулж, ерөнхийлөгчийн сонгуульд бэлтгэх тухай заасан байдаг.

Өнгөрсөн ням гарагт нисдэг тэрэгний ослоор амиа алдсан Ерөнхийлөгч Ибрахим Раиси болон түүнийг дагалдан явсан багийнхныг оршуулах ёслолд зориулан лхагва гаргийг ажлын бус өдөр болгосон тухай дэд ерөнхийлөгч Мохсен Мансури мэдэгджээ. Улмаар пүрэв гарагт Ерөнхийлөгч Раисиг оршуулах ёслол түүний төрсөн хот Мешхадад /Өмнөд Хорасан муж/ болно гэдгийг дэд ерөнхийлөгч хэллээ.

Эх сурвалж: IRNA /МОНЦАМЭ агентлаг/