Гиннесийн номд хамгийн олон жил бүхээгийн ажилтнаар ажилласнаараа бичигдсэн Бетте Наш 88 насандаа амьсгал хураажээ. Энэ талаарх мэдээллийг Американ Эйрлайнс авиакомпани болон Мэргэжлийн бүхээгийн ажилтнуудын холбооноос өгсөн байна.

Бетте Нашийн хувьд 1957 оны арваннэгдүгээр сард Ийстерн Эйрлайнс авиакомпаниас бүхээгийн ажилтны замналаа эхлүүлж байсан юм.

Гиннесийн номд бүртгэгдсэнээр тэрээр нийт 64 жил 61 өдрийг бүхээгийн ажилтнаар ажиллаж өнгөрүүлсэн байдаг ажээ.

Түүний хувьд анх 16 настайдаа агаарын хөлөгт сууж үзэхдээ энэ мэргэжлийг сонгосон бөгөөд хэдийгээр коллежид явж, өөр мэргэжил эзэмшсэн ч төгссөн даруйдаа бүхээгийн ажилтан буюу хуучнаар онгоцны үйлчлэгч болох замыг сонгож байсан гэнэ.

Эх сурвалж: CNN