Даваа гарагт Financial Times сониноос Европын Төв банкны ахлах эдийн засагч Филип Ланетай ярилцжээ. Улмаар ярилцлагын хүрээнд ноён Филип Лане Европын Төв банк ирэх долоо хоногоос бодлогын хүүгээ бууруулахаар төлөвлөж буй талаар дурдсан байна.
Европын Төв банкны хувьд ирэх зургаадугаар сарын зургааны өдөр ээлжит уулзалтаа хийх бөгөөд, тухайн уулзалтаар тэд бодлогын хүүгээ бууруулах шийдвэр гаргах аваас инфляцын өсөлттэй өнгөрөгч гурван жилийн хугацаанд бодлогын хүүгээ бууруулах шийдвэр гаргасан анхны томоохон төв банк болох юм.
Евро бүсийн инфляцын хувьд өнгөрөгч гурван жилийн хугацаанд түүхэн дээд үзүүлэлт буюу 4 хувь хүрснээр Төв банкны зүгээс бодлогын хүүгээ нэмэх арга хэмжээ авсан билээ. Улмаар тэдний авч хэрэгжүүлсэн арга хэмжээ ч өгөөжөө өгч, инфляц бууран төв банкны зорилтот түвшинд нэлээдгүй ойртсон тул тэд ийнхүү бодлогын хүүгээ бууруулахаар зэхэж буй ажээ.
Эх сурвалж: Financial Times