Хөлбөмбөгийн тамирчин асан Дэвид Бекхэм Хятадын Алибаба группийн харьяа AliExpress компанийн олон улсын төлөөлөгчөөр ажиллах болжээ.

AliExpress компанийн хувьд өнгөрөгч гуравдугаар сард Европын хөлбөмбөгийн холбоонуудын нэгдэлтэй хамтран ажиллах гэрээ байгуулсан юм. Улмаар гэрээний хүрээнд тэд өөрсдийн зар сурталчилгааг ЕВРО 2024 тэмцээний тоглолтуудын дундуур үзүүлэх эрхтэй болсон. Тиймээс тэдний зүгээс эл сурталчилгаанд Дэвид Бекхэмийг тохирно гэж үзсэний дүнд түүнийг олон улсын төлөөлөгчөөрөө сонгожээ.

Ташрамд дурдахад ЕВРО 2024 тэмцээний спонсороор ажиллаж буй цорын ганц хятад компани нь AliExpress биш бөгөөд одоогоор бидэнд байгаа мэдээллээр Хятадын цахилгаан автомашины BYD, цахилгаан төхөөрөмж үйлдвэрлэн нийлүүлэгч Vivo компани нар ч спонсороор ажиллаж байгаа гэсэн шүү.

Эх сурвалж: BBC