Өвөр Монголын өөртөө засах орон энэ зуны наадмаа хэд хэдэн хотод долоодугаар сарын 14нөөс нэгэн зэрэг эхлүүлэхээр төлөвлөснийг соёл, аялал жуулчлалын хорооноос мэдээлжээ. Тэгэхдээ энэ оны наадмын гол хотоор Шилийнголын Шилийнхотыг сонгож, хамгийн өргөн дэлгэр тэмдэглэж, соёл уламжлалаа сурталчлахаар болсон байна.
Энэ долоо хоногт Бээжинд болсон хурал дээр Шилийнголын албан тушаалтан Ян Ли наадмын нээлтийг зочидтой харилцаатай, дурсамж үлдээхүйц, шинэлэг байдлаар зохион байгуулахаа илэрхийлсэн байна.
Зочид, жуулчдыг хөгжөөхийн тулд Шилийнгол гэр бүлийн, мэдээллийн, соёлын гэх мэт нийт арван өөр янзын онцгой зам, хөтөлбөр бэлдсэн аж.
Мөн зөвхөн Шилийнхотоос гадна Бугат хот, Хянган аймаг, Улаанцав хот тэргүүтэй олон газарт өөр өөрийн онцлогтой таван өдрийн наадам зохион байгуулах юм байна.
Эх сурвалж: China daily