Дани, Нидерландын араас Норвеги улс Украинд “F-16” сөнөөгч онгоцны дэмжлэг үзүүлэхээ мэдэгдлээ.
Украинд айлчилж байгаа Норвегийн ерөнхий сайд Йонас Гарсторе "Бид Норвеги улсын эзэмшдэг “F-16” сөнөөгч онгоцыг Украинд тусламж болгон шилжүүлэхээр төлөвлөж байгаа бөгөөд тодорхой хугацаа болон тоо ширхгийг цаг тухайд нь мэдэгдэх болно” хэмээн цохон тэмдэглэсэн байна.
Норвегийн Батлан хамгаалах яамны зүгээс мөн мэдэгдэл хийх үеэрээ “”F-16” сөнөөгч онгоцыг тусламж болгон өгснөөр Украины цэрэг армийн хүчин чадлыг ихээхэн бэхжүүлэх болно” хэмээн онцолжээ.
Ингэснээр одоогийн байдлаар нийт гурван улс Украинд “F-16” сөнөөгч онгоцны дэмжлэг үзүүлэхээ илэрхийлээд байгаа бөгөөд цаашид ч энэ тоо нэмэгдэх төлөвтэй байгаа юм.
Эх сурвалж: YTN