Хятадын Фудан их сургуулийн эрдэмтэд Хятадын өмнөд нутаг болон зүүн өмнөд Азийнханд хэт таргалалтаас сэргийлдэг тусгай ген байдгийг илрүүлжээ. Шинжлэх ухааны “Genetics and genomics” сэтгүүлд өнгөрсөн сар нийтлэгдсэн тэдний судалгааны тайлангаас үзвэл, эрдэмтэд нийтлэг угсаа гаралтай генийн гэр бүл болох 16 суурь митохондрийн ДНХ (mtDNA) гаплогруппүүдэд дүн шинжилгээ хийсэн байна.
Түүнчлэн судалгааны багийн эрдэмтэн Жен Хоншиан, Жин Ли, Ван Жиүччүн нар Хан угсааны 2877 хүний генийн мэдээллийг шинжилж үзэхэд хэт таргалах эрсдэлээс хамгаалах нийтлэг митохондрийн ДНХ илэрсэн байна. Тус митохондрийн ДНХ-ийг M7b1a1 гэж нэрлэсэн бөгөөд Хятадын өмнөд нутаг болон зүүн өмнөд Азийн орнуудад түгээмэл тохиолддог гэнэ.
Судалгааны тайланд дурдсанаар M7b1a1 митохондрийн ДНХ-ийн митохондрийн ажиллагаа суларсаас болж таргалах эрсдэл багассан байна. Судлаачид тус нээлт бол хүний удамшил, ген биеийн хөгжил, хэлбэр, таргала эрсдэлтэй хэр холбоотойг илүү тодорхой харуулсан баталгаа боллоо хэмээн олзуурхаж байгаа аж.
Эх сурвалж NextShark
targaldaggui humuus zuun umnud gentei humuus bj haha