Насанд хүрэгчдийн контент үзэхийн тулд испаничууд засгийн газраас хөгжүүлсэн дижитал хувийн дугаар, тооны хязгаар бүхий апп ашигладаг болох нь.

Учир нь Испанийн насанд хүрэгчдийн контентийг эсэргүүцэгч Дэйл Уна Вуэлта бүлгэм бага насны хүүхдүүд олноор насанд хүрэгчдийн контент үзэж байгааг нотолсон статистик танилцуулсан нь олны анхаарлыг татаж, санаа зовоох тулгамдсан ауудал мөн болохыг ойлгуулжээ.

Тус асуудалтай танилцсан ерөнхий сайд Пэдро Санчез “Статистик үнэхээр цочирдом байсан. Нийт арван тав хүрээгүй хүүхдүүдийн бараг хагас нь насанд хүрэгчдийн контент үздэг болж таарсан” хэмээн сонинд ярьжээ.

Нутгийн хэвлэл мэдээллийн хэрэгслүүдийн мэдээлж байгаагаар шинэ зохицуулалт энэ зуны эцсээс эхлэн хэрэгжиж эхлэх бололтой.

Тухайлбал, Картера дижитал бета хэмээх гар утасны цахим хэтэвч дээрх шийдвэрийг хэрэгжүүлэхэд гол үүрэг гүйцэтгэх юм байна. Уг цахим хэтэвч эхлээд засгийн газрын баталгаа бүхий таван янзын биеийн байцаалтын аль нэгээр нь хэрэглэгчийн насанд хүрсэн эсэхийг баталгаажуулж, сар тутам 30 кредит олгож байх гэнэ.

Улмаар хэрэглэгч насанд хүрэгчдийн цахим хуудас руу нэвтрэх бүрдээ QR код уншуулж, тухайн сард олгогдсон кредитийнхээ хэмжээнд тааруулан контент үзэх боломжтой болж байна.

Эхний ээлжинд эл журам зөвхөн Испанийн насанд хүрэгчдийн контент нийлүүлэгчдэд хамаатай ч, цахим аюулгүй байдлын хүрээлэнгээс гадаадын нийлүүлэгчдийн жагсаалт гарган мөрдүүлэх төлөвлөгөөтэй байгаа юм байна.

Эх сурвалж: RT