Амь насаа эрсдэлээс хамгаалахын тулд аюулд өртсөн эрхтэнээ зориудаар тайрах ухаан цор ганц хүнээс гардаг эд биш бололтой.

Флорида мужийн эрдэмтэд мужаан шоргоолжийн амьдралын хэв маягийг сайтар ажиглан судалсны үр дүнд тэд нэгнийхээ хөлийг хаагуураа гэмтсэн байгаагаас хамааран аль нэг үеэр нь хазан тасалж өгдгийг тогтоожээ.

Тийнхүү хөлөө тайруулсан шоргоолжнуудын 90-95 хувь нь цаашид ямар ч асуудалгүйгээр үүргээ гүйцтгэж байсан гэнэ.

Уг судалгааг хийсэн эрдэмтэд тайлангаа өнгөрсөн онд хийсэн төстэй судалгааныхаа тайлантай хавсарган энэ долоо хоногийн Current Biology сэтгүүлд нийтэлсэн байна.

Өнгөрсөн оны судалгаагаар тэд матабэл, мегадонера тэргүүтэй зүйлийн шоргоолжууд амнаасаа микробын эсрэг бодис ялгаруулан шарх, гэмтлээ халдвар, үрэвслээс сэргийлэн цэвэрлэдгийг тогтоосон юм. Тус бодис нь шоргоолжны метаплеврийн булчирхай хэмээх эрхтнээс ялгардаг билээ.

Хэдий шоргоолжны ихэнх зүйл метаплеврийн булчирхайтай боловч Кампонотус флориданус буюу мужаан шоргоолж гэх мэт зарим зүйл хувьслын явцад дээрх булчирхайгаа алдсан юм. метаплеврийн булчирхайгүй шоргоолжны зүйлүүд газарт биш, модонд үүрээ засдаг болсноор газар доорхоос арай цөөн өвчин үүсгэгчтэй орчинд дасан зохицсон гэж эрдэмтэд үздэг байна.

Эх сурвалж: CNN