АНУ-ын сансрын нисэгчид саран дээр үнэхээр хөл тавьсан эсэх асуудлыг тойрсон цуу яриа, эргэлзээ бүгдийг тайлахаар ОХУ-ын сансрын Роскосмом агентлагийн тэргүүн ам нээж, Аполло ажиллагаагаар америкёуудын авчирсан дээр үнэхээр сарны хөрс мөн байсан гэдгийг тайлбарлалаа.

Тухайлбал, лхагва гарагт болсон парламентын хуралдааны үеэр Роскосмос-ын тэргүүн Юрий Борисов Америкийн сансрын нисэгчид саран дээр үнэхээр газардсан эсэх талаар асуултад хариулжээ. Түүний хэлснээр, АНУ-ын ҮАТСНА хэд хэдэн нислэгийнхээ үр дүнд олж авсан хөрсний дээжүүдээ ЗХУ-тай хуваалцаж байсан агаад тэр дундаас аполло ажиллагааны нотлох баримт бодит, үнэн байсан гэнэ.

Тэрээр “Манай Шинжлэх ухааны академийн баталснаар сарнаас авчирсан хөрсний дээж үнэхээр сарны хөрс мөн байсан” хэмээж, тус дээжийг зөвхөн ЗХУ ч биш, өөр олон улс судалж баталсан гэдгийг онцолжээ.

Харин Роскосмосын өмнөх тэргүүн Дмитри Рогозин Аполло ажиллагаанд эргэлздэг талаараа удаа дараа илэрхийлж байсан билээ. Тэрээр “Олон хүн Вашингтоны талыг баримталдаг ч гэлээ баттай нотолгоо гаргаж ирээгүй. Тэр байтугай АНУ-ын сансрын агентлагтай харилцах харилцаанд сэв суулгахыг санаархлаа гэж намайг зэмлэдэг” хэмээн ярьж байв.

Эх сурвалж: RT