![](c/2407/ZA-7Y58G57-DUPYB7D-HZGAT1L-II.jpg)
АНУ-ын поп од Тэйлор Свифтийн тавдугаар сард эхлүүлсэн Европын “Эрас Тур” аялан тоглолт энэ сарын 17-ноос эхлэн Германд үргэлжлэх гэж байна. Иймд түүний эхний зогсоол болсон Гэлсэнкирчен хот түүнийг хүндэтгэн угтаж, нэрээ түр хугацаанд Свифткирчен болгон өөрчилжээ.
Свифтийн үнэнч шүтэн бишрэгч Алешаний Вестхофф энэ санааг хэдэн долоо хоногийн өмнөөс дэвшүүлснийг хотын дарга Карин Велж дэмжин дээрх шийдвэрт хүрсэн байна.
Улмаар лхагва гаргаас эхлэн хотын шинэ нэр бүхий хаяг, самбаруудыг хөл хөдөлгөөн ихтэй цэгүүдэд байрлуулж эхэлжээ.
Цаашлаад хотын нийтийн тээврийн Богестра компани “Тэйлор Свифт трам” эхлүүлж, мөн хотын захиргаанаас тус хотын алдартнуудын гудамд Тэйлор Свифтийн чулуу босгох талаар хэлэлцэж байгаа гэнэ. Мөн тоглолтын үеэр шүтэн бишрэгчид хотын төвд болох Тэйлор таун задгай үдэшлэгт чөлөөтэй оролцож болох аж.
Эх сурвалж: RT