ОХУ-ын хууль сахиулагчид улсын өрнө хэсэгт байдаг ЗХУ-ын үеийн аварга том ган гүүр хулгайд алдагдаж, 15 мянган ам.доллар төдийхнөөр хаягдал төмөр авдаг газарт зарагдсан байж болзошгүй хэргийг шалгаж байна.

Тухайлбал, Москва хотоос зүүн өмнөд зүгт 200км яваад байдаг Рязань нутагт байсан дор хаяж 60 тонн жин татахуйц ган гүүр учир билүүлэг байдлаар алга болсон явдлыг анх нутгийн идэвхтэн Светлана Коновалова өнгөрсөн долоо хоногт мэдээлсэн байна.

Түүний мэдээлснээр гүүрийг нутгийн төмөр замын комдани хувьчилж авсан бөгөөд бүх бичиг баримтаа хууль ёсны дагуу бүрдүүлсэнбайж. Гэтэл үл мэдэгдэх бүлэг хүмүүс бичиг баримтуудыг судалж үзэхэд гүүр чухамдаа хэний ч эзэмшилд харьяалагдахгүй гэдэг нь тодорхой болсон хэмээгээд буулгаж авсан гэнэ.

Иймд гүүрийг хувьчилж авсан эзэн нь цагдаад хандсан аж. Тэрээр хулгайчдыг таних агаад өмнө нь зарахыг ятгахад нь тохиролцоонд хүрээгүй больсон удаатай гэнэ.

Тэгтэл удалгүй ОХУ-ын харилцаа холбооны цахим Телеграм сүлжээнд мэдээ мэдээлэл тугээдэг нэгэн сувгийн мэдээлснээр гүүрийн хэсгүүд нутгийн хаягдал төмөр авдаг газарт үзэгдэх болсон гэнэ. Түүнчлэн хулгайч гүүрийг тушаагаад 1.3 сая рубль авсан байж болзошгүй сэжүүр бий гэжээ. Уг нь тус гүүрийн үнэлгээ 300 сая рубль байж.

Цагдаа нарын мэдээлснээр гүүрийг зориулалтын дагуу ашиглахаа болиод удсан, нутгийн болон төрийн ямар нэг байгууллагын харьяалалд багтдаггүй, зөвхөн нутгийн иргэд зам товчлох зорилгоор явган ашигладаг байсан гэнэ.

Эх сурвалж: RT