Нэр хүнд, өмч хөрөнгө нь өсөх тусам Илон Маск болзошгүй халдагчдыг үргээхийн тулд хамгаалалтаа эрс чангалж байгаа бололтой.
Нью-Йорк Таймс сонин Тесла компани болон цагдаагийн байгууллагаас алдагдсан зарим мэдээллээс эш татан Маскийн хувийн хамгаалалт эрс чангарч эхэлсэн гэнэ.
Жишээ татахад, өнгөрсөн оны арван нэгдүгээр сарын кибертракийн арга хэмжээний үеэр зохион байгуулалттай буудалцаанаас сэргийлж Тесла компанийн хамгаалалтынхан болон өөрийн эзэмшдэг нууцлаг Фоундэшн Секюрити фирмийн хувийн бие хамгаалагч гэх мэт гуч гаруй бие хамгаалагчтай явсан билээ.
Эх сурвалжуудын мэдээлснээр дор хаяж 2018 оноос эхэлж тэрээр өөрийн гэсэн нууц алба бүрдүүлж, компанийн гүйцэтгэх захирал гэхээс илүү улс төрийн том удирдагч шиг аяглах болжээ.
Тэрээр зургаадугаар сард сэтгүүлчид “Би лав өнгөрсөн долоон сар хүрэхгүй хугацаанд намайг болон өөр бусад олон хүн хөнөөхийг санаархсан хоёр ч алуурчинтай тааралдах шахлаа. Би ганцаараа айгаад байгаа юм биш” хэмээжээ.
Тэгтэл Ерөнхийлөгчийн сонгуульд нэр дэвшигч, Маскийн холбоотон Д.Трамп долоодугаар сард кампанит ажлынхаа үеэр буудуулсан явдал түүнд улам их айдас нэмсэн бололтой.
Эх сурвалж: Futurism