ОХУ-ын Ерөнхийлөгч Владимир Путин улсынхаа зэвсэгт хүчний бие бүрэлдэхүүний тоог бараг 2.4 саяд хүргэж, түүний 1.5 сая нь цэрэг байх тогтоолд гарын үсэг зурлаа.
Үүнээс өмнө тэрээр ижил тогтоолыг 2023 оны арван хоёрдугаар сард баталж, зэвсэгт хүчнийг 2.2 сая гаруй болгож, түүний 1.3 сая нь цэрэг байхаар нэмж байв.
Иймд даваа гарагт баталсан шинэ тогтоолын хүрээнд Путин зэвсэгт хүчний бие бүрэлдэхүүнийг 2,389,130 болгон нэмэхэд шаардлагатай санг Батлан хамгаалах яамд гаргаж өгөх тушаал баталжээ.
Энэ талаар Кремлийн хэвлэлийн төлөөлөгч Димитри Песков “Өрнийнхөн шууд болон шууд бусаар манай орны эсрэг нэгдэж байгаа энэ үед бид улсынхаа аюулгүй байдлыг сэргийлэн бэлтгэх нь зүйтэй. Өрнийн орнууд нэгдэн бидний эсрэг айн зарлаж байна. Бүгд шууд болон шууд бус аргаар цэргийн болон эдийн засгийн, санхүүгийн, хуулийн зэрэг дайнд манай эсрэг нөлөөлж байна” хэмээн тайлбарласан байна.
ОХУ-ын Батлан хамгаалах яамны мэдээлснээр зэвсэгт хүчний бие бүрэлдэхүүний тоог нэмэх энэ үйл ажиллагаа зөвхөн сайн дурын үндсэн дээр гэрээ байгуулан зэвсэгт хүчинд ажиллах сонирхолтой иргэдийг хамруулна гэсэн аж.
Эх сурвалж: RT