Мета сүлжээний эзэн Марк Зукерберг энэ долоо хоногт эхнэр Присцилла Чан нь өөрийнхөө аварга том мөнгөлөг, цэнхэр өнгийн хөшөөний дэргэд зогсож байгаа зураг нийтлэн олны анхаарлыг татжээ.

Тус хөшөө нь 2.1м өндөртэй бөгөөд Зукерберг энэ талаар өөрийн инстаграм хаягтаа “Эхнэрийнхээ баримлыг барьдаг Ромын уламжлалыг хүндэтгэв” хэмээн бичсэн байна.

Харин эхнэр нь түүний тус нийтлэл дээр “Би олон байх тусам чамд сайхан байна уу?” хэмээн сэтгэгдэл бичээд, зүрх даржээ.

Баримлыг Нью-Йоркод суудаг Даниел Аршам гэгч уран гартан бүтээсэн гэнэ. Гэвч баримлын өнгө, хэмжээнээс болоод цөөнгүй хүн түүнийг Аватар киноны дүрүүдтэй зүйрлэн хөнгөн шоглож эхэлсэн байна.

Ливерпүүл дэх үндэсний музейн тайлбарласнаар эртний ромчууд нас барсан нэгнийхээ дурсгалыг хүндэтгэх, эсвэл чухал дотнын хүнтэйгээ онцгой холбоо тогтоох зорилгоор хөшөө, баримлыг нь босгодог байсан гэжээ.

Эх сурвалж: BBC