Мэдээллийн хурднаас бүх зүйл шалтгаалж буй өнөө үед өрнийн орнуудыг интернэтээр хангадаг далайн кабелиудад Оросын нууц шумбагч салаа асар их аюултай хэмээн мэргэжилтнүүд, ажиглагчид үзэж байна.
Иймд холбоотнууд ОХУ-ын Жанжин штабын Далайн гүн судлалын ерөнхий газрын үйл ажиллагааг ажиглах, далайн гүний кабелиудыг хамгаалах ажилд хичээл зүтгэл гарган хамтрахаар болсон тухай албаны эх сурвалж мэдээлжээ.
Тэд “Украинтай мөргөлдөж эхэлснээс хойш газрын тос, байгалийн хийн хоолой болон интернэт кабель гээд далайн дэд бүтэц Оросын аюулд улам эмзэг болсон. Холбоотнууд үргэлж далайн гүнээр татсан интернэт кабель тэргүүтэй стратегийн чухал бүтцүүдэд Оросын тагнуулын хөлгүүд онц аюултай хэмээн сэрэмжилсээр ирсэн” гэсэн байна.
Үүнээс өмнөхөн энэ сарын 13-нд ОХУ Жанжин штабын Далайн гүн судлалын ерөнхий газар(ГУГИ) нэртэй нууц шумбагчийн салаатай болсон талаар АНУ-ын эрх баригчид анхааруулж байлаа.
Эх сурвалж: Business Insider