Технологийн салбарын тэргүүлэгчдийн нэг Илон Маск дуучин Тэйлор Свифт ирэх сонгуулиар Камала Харрисыг дэмжиж байгаагаа илэрхийлсний дараа хүүхдийнх нь эцэг, муурных нь хамгаалагч болох санал тавьжээ.
Эргэн санавал, Т.Свифт саяхан өөрийн 280 сая дагагч бүхий инстаграм хуудастаа муур тэвэрсэн зургаа нийтэлж “Мууртай сувай хатагтай” хэмээн бичсэнээр Камала Харрисыг дэмжиж байгаагаа илэрхийлсэн юм.
Ийм жигтэй байдлаар үзэл бодлоо илэрхийлсний шалтгаан нь, түүний өрсөлдөгч Доналд Трампын холбоотон, бүгд найрамдах намын Ж.Д.Ванс нэгэнтээ ардчилсан намынхныг “баахан мууртай сувай авгай нараар” удирдуулдаг хэмээн тохуурхсан удаатай билээ.
Тэгтэл Илон Маск түүний зураг болон тайлбарыг харсан даруйдаа Икс сүлжээн дээр “За за, Тэйлор... чиний зөв... Би хэвлийд чинь хүүхэд хийж, муурыг чинь амь насаараа хамгаалъя” хэмээн бичжээ.
Маск 2000 оноос хойш одоог хүртэл нийт гурван өөр эмэгтэйтэй нэр холбогдож, 12 хүүхдийн эцэг болсон билээ.
Эх сурвалж: RT