АНУ-ын цагдаа нарт нисдэг таваг буюу үл мэдэгдэх нисдэг биет үзэгдсэн тохиолдолд хэрхэх тухай нарийвчлан заасан гарын авлага тараасан байна.
Гарлын авлага дээр АНУ болон Канадын том хотуудын цагдаагийн албан хаагчдыг төлөөлдөг Том хотуудын дарга нарын холбооноос эмхэлсэн ҮМНБ-тэй тааралдсан тохиолдлуудын түүхийг нарийвчлан бичсэн аж.
Нийт 11 хуудастай тус гарын авлага дээр онцгойлон “АНУ-ын агаарын орон зайд ҮМНБ үзэгдэх нь манай цэрэг, цагдаа, нисгэгчдэд илэрхий, ноцтой аюул мөн. Цаашлаад, тэдний хүчин чадал, гарал үүслийг мэдэх аргагүй тул энэ бол үндэсний аюулгүй байдалд маш том эрсдэл” хэмээн тэмдэглэжээ.
Гарын авлагад мөн ҮМНБ судалгааны нарийн материалууд болон АНУ-ын агаарын хүчний офицер, тагнуулын ажилтан Дэвид Груш тэргүүтэй ҮМНБ харсан гэх хүмүүсийн мэдүүлэг багтсан гэнэ.
Эх сурвалж: RT