БНХАУ лхагва гарагт АНУ-ын цэрэг, зэвсэгтэй холбоотой үйл ажиллагаа явуулдаг есөн фирмийг Тайваньд америк зэвсэг борлуулсан хэмээн үзэж, Хятадын эх газарт буй хөрөнгийг нь царцаах хүртэл арга хэмжээ авчээ.
Тайванийн арлыг БНХАУ-ын нэг хэсэг мөн хэмээн үзэж, буцаан нэгтгэх бодлого баримталж буй Бээжин дээрх асуудлаар удаа дараа гомдол мэдүүлж, Цагаан ордонтой холбоо тогтоон, ТАйваньд зэвсэг борлуулахаа албан ёсоор зогсоохыг шаардсан ч амжилт олоогүй юм.
Иймд Хятадын Гадаад хэргийн яамны мэдээлснээр энэ долоо хоногоос эхлэн Сиерра Нивада корпорац, Стик Раддер интерпрайс, Кюбик корпорац, S3 Эйроспэйс, TCOM партнершип, ТекстОр, Планате Менежмент групп, ACT1 Федерал, Эксовера нэр бүхий есөн том фирмийн Хятад дахь хөрөнгийг царцаасан байна.
Мөн Хятад дахь хувь хүн болон аж ахуй нэгжүүдийг тухайн фирмүүдтэй харилцахыг хориглосон аж.
Уг арга хэмжээг зарлахдаа БНХАУ-ын Гадаад хэргийн яамны хэвлэлийн төлөөлөгч Лин Жиан Тайванийг зэвсэглэхээ зогсоохыг АНУ-аас дахин шаардаж “Тайванийн тусгаар тогтнолыг дэмжихээ больж, Тайванийн хоолойн тогтвортой байдал, энх тайвныг алдагдуулахаа болино уу” хэмээсэн байна.
Эх сурвалж: Reuters