Даваа гарагт BBC сувгаас мэдээлснээр Нигер улс дахь төрийн эргэлтийг удирдаж буй цэргүүд тус улсын агаарын хилийг хаажээ. Үүний шалтгаан нь Нигерийн хөрш зэргэлдээх орнууд тэдний төрийн эргэлт хийх оролдлогод хөндлөнгөөс оролцох аюул занал нэмэгдэж буйтай холбоотой гэнэ.
Улмаар олон улсын агаарын орон зайд үйлдэгдэж буй нислэгүүдийг хянадаг Flightradar24 веб хуудаснаас үзвэл өдгөө тус улсын агаарын орон зайд ямар ч онгоц үгүй ажээ.
Тэднийг агаарын хилээ хаахаас өмнө Баруун Африкийн улс орнуудын бүлгээс мэдэгдсэнээр ням гарагийн 23:00 цаг гэхэд Нигерийн ерөнхийлөгч Мохамед Базоум суллагдаагүй байвал тэд хүч хэрэглэнэ хэмээж байсан юм. Бүлгийн мэдэгдлийн хариуд Нигер дэх төрийн эргэлтийг зохион байгуулагчдыг төлөөлж буй хэвлэлийн төлөөлөгчийн хэлснээр Нигерийн зэвсэгт хүчин улс орноо батлан хамгаалахад бэлэн гэсэн билээ.
Эх сурвалж: BBC