Лхагва гарагт Израиль улс хийгээд Хамас бүлэглэл тохиролцоонд хүрч, 4 хоногийн турш галаа зогсоон Хамас бүлэглэл барьцааны 50 израилийг суллахаар тохирчээ. Үүний хариуд Израилийн талаас 150 палестиныг суллах гэнэ.
Улмаар талууд тохиролцоогоо дагаж чадваас энэ нь тэдний хувьд дайн эхлүүлснээс хойш галаа зогсоосон анхны явдал болох юм.
Тохиролцооны хүрээнд BBC сувгаас мэдээлснээр Хамас бүлэглэлийн суллах 50 израиль бүгд хүүхдүүд, эмэгтэйчүүд байх гэнэ. Тийнхүү гал зогсоох 4 хоног уг тохиролцоог эцэслэхэд хүрэлцэхгүй аваас талууд гал зогсоох хугацааг өдөр өдрөөр сунгах ажээ.
Харин гал зогсоох өдрүүдэд Катар улсын зүгээс Газын зурваст эмнэлгийн тусламж, шатахуун, тусламж тээвэрлэсэн олон тооны ачааны тэргийг нэвтрүүлэх юм.
Гэвч одоогоор талууд хэзээнээс гал зогсоох нь тодорхойгүй байна.
Албаныхны мэдээлж байгаагаар гал зогсоох товыг тэд ойрын 24 цагийн дотор мэдэгдэнэ гэжээ.
Эх сурвалж: BBC