Дубайн захирагчийн охин ганц бие болсноо цахим хуудсан дээрээ зарлав. Өөрөөр хэлбэл, Шейха Махра бинт Мухаммэд бин Рашид Аль Мактум өөрийн баталгаат инстаграм хаягнаас “Үүгээр би нөхрөөсөө салснаа зарлаж байна” гэсэн үгтэй нийтлэл оруулж, нөхрийнхөө бүх зургийг устгажээ.

Хэвлэл мэдээллийнхэн илүү нарийн мэдээлэл эрсээр байгаа ч Шейха Махрагийн нөхөр Шейх Мана бин Мухаммэд бин Рашид бин Мана Аль Мактум болон аавынх нь зүгээс ямар ч мэдэгдэл үгүй байгаа юм байна.

Түүний дээрх нийтлэл “Хүндэт нөхөртөө” хэмээн эхэлж, “Би чамаас саллаа, би чамаас чаллаа, би чамаас саллаа” хэмээн дуусжээ. Эх сурвалжуудын мэдээж байгаагаар энэ бол исламын шашинд байдаг гурамсан талак хэмээх уламжлал аж.

Дээрх уламжлалыг олон оронд хориглосон ч гэлээ ихэнх тохиолдолд нөхөр нь эхнэртээ гурван удаа салж байгаагаа давтаж хэлэхэд тэр даруй тэдний гэрлэлт дуусгавар болсонд тооцогддог юм санж.

Тэд 2023 оны дөрөвдүгээр сард нижгэр хурим хийн гэр бүл болж, хоёр сарын өмнө анхны хүүхдээ өлгийдөн аваад байсан билээ.

Эх сурвалж: BBC