Дэлхийн цаг уурын байгууллага: Энэ жил дэлхийн цаг уур өнгөрсөн жилээс илүү эрс тэс байх магадлалтай

Дэлхийн цаг уурын байгууллагын шинэ ерөнхий захирал Селесте Сауло орон нутгийн цагаар 5-ны өдөр хэвлэлийнхэнд хэлэхдээ, "Өнгөрсөн жил бид түүхэндээ хамгийн халуун жилийг үдсэн бөгөөд Эль-Ниньогийн үзэгдэл цаг агаарт нөлөөлвөл энэ жил бүр ч халуун, эрс тэс уур амьсгалтай байх магадлалтай” хэмээн цохон тэмдэглэжээ.

БНХАУ: Энэ жил олон улсын нислэгийн тоог цар тахлын өмнөх түвшингийн 80 хувьд хүргэнэ

Хятадын орон нутгийн хэвлэл мэдээллийн агентлагуудын 5-ны өдөр мэдээлснээр, тус улс энэ онд олон улсын нислэгийн тоог цар тахлын өмнөх түвшингийн 80 хувьд хүргэн нэмэгдүүлэхээр шийджээ. Тус улсын эрх баригчдын гаргасан энэхүү шийдвэр нь өнгөрсөн оны эхээр хилийн хоригоо цуцалсны дараа ч нэмэгдээгүй гадаадын жуулчдыг татах гэсэн арга хэмээн шинжээчид харж байгаа аж.

Япон: Нотогийн газар хөдлөлтийн хохирол урьдчилсан байдлаар 816 тэрбум иенд хүрчээ

Японы Хоншүү арлын төв хэсэгт орших Ишикава мужийн Ното орчимд өнгөрөгч 1-ний өдөр болсон 7.6 баллын хүчтэй газар хөдлөлтийн улмаас 816.3 тэрбум иенээр хэмжигдэх барилга байгууламж, зам талбай эвдэрч, сүйдсэн гэх тооцоог гаргажээ.

Тесла компани Хятадын зах зээлд борлуулагдсан 1.62 сая автомашинаа эргүүлэн татахаар болжээ

Тесла компани Хятадын зах зээлд борлуулагдсан 1.62 сая орчим автомашинаа эргүүлэн татахаар шийдсэн тухай Хятадын төв телевиз мэдээлэв.

Евро бүсийн инфляцын түвшин 2.9 хувьд хүрч, 7 сарын турш үргэлжилсэн буурах хандлага зогсжээ

Европын холбооны статистикийн агентлаг болох Евростат 5-ны өдөр мэдээлснээр, Евро бүсийн (евро хэрэглэдэг 20 улс) хэрэглээний үнийн индекс өнгөрсөн оны 12-р сард өмнөх онтой харьцуулахад 2.9 хувиар өссөн болохыг онцолжээ. Гэсэн хэдий ч мэргэжилтнүүд үнийн өсөлт удахгүй намжина хэмээн таамагласан байна.