“Вояжер-1” таван сарын хугацаанд анх удаа мэдээлэл дамжуулжээ
4 сарын 23. 15:230

АНУ-ын Агаарын нислэг, сансрын уудмыг шинжлэн судлах үндэсний төвийн /НАСА/ инженерүүд “Вояжер-1” сансрын аппаратаас сүүлийн таван сарын хугацаанд анх удаа тайлж уншиж болохуйц мэдээлэл хүлээн авчээ.

“Вояжер-1” одоогоор Дэлхийгээс 24 тэрбум км-ийн зайд байгаа бөгөөд ашиглалтад оруулснаас хойш 46 жилийн турш ажиллаж буй уг аппаратад сүүлийн жилүүдэд хуучирч элэгдэж буйн шинж тэмдгүүд ажиглагдах болсон байна. Тухайлбал, 2023 оны 11 дүгээр сард нислэгийн мэдээллийн системийн телеметрийн модуляцын нэгж нь тайлж унших боломжгүй давтагдсан кодуудыг илгээж эхэлсэн байна. Уг аппаратын нислэгийн мэдээллийн систем нь төхөөрөмжүүдээс мэдээллийг цуглуулж, өөрийн төлөв байдлыг харуулсан инженерийн мэдээлэлтэй хамт багцалдаг. Улмаар Дэлхий дээрх хяналтын төв эдгээр өгөгдлийг хоёртын код буюу нэг ба тэгийн цувралаар хүлээн авдаг байна.

Гэтэл 11 дүгээр сараас хойш “Вояжер-1”-ийн нислэгийн мэдээллийн систем гацсан байна. Уг аппарат сүүлийн хэдэн сарын турш Дэлхий дээрх хяналтын төвд радио дохиоллыг тогтмол дамжуулсаар байсан боловч тэдгээрт ашиглах боломжтой мэдээллүүд байхгүй байсан юм.

Харин дөрөвдүгээр сарын 20-ны өдөр “Вояжер-1”-ийн системийн төлөв байдлын талаарх анхны ашиглах боломжтой мэдээллийг хүлээн авсан байна. Мэргэжилтнүүд уг мэдээллийг хянан нягталж байгаа ба “Вояжер-1” хэвийн ажиллаж байгаа болохыг мэдээллүүд харуулж байгаа ажээ.

“Өнөөдөр “Вояжер-1”-ийн хувьд гайхалтай өдөр байлаа. Бид сансрын аппараттай холбоогоо дахин сэргээсэн. Мөн шинжлэх ухааны мэдээллийг дахин хүлээж авахыг тэсэж ядан хүлээж байна” гэж “Вояжер” төслийн ажилтан Линда Спилкер ярилаа.


Эх сурвалж: CNN /МОНЦАМЭ агентлаг/

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Жүжигчин Милли Бобби Браун дуучин Жон Бон Жовигийн хүүтэй гэрлэжээ
02024-5-25 14:42
Шизофренийн талаарх олон нийтийн дунд тарсан ташаа ойлголтууд
02024-5-24 22:33
Алдарт “Doge” миймийн Кабосу нохой амьсгал хураажээ
12024-5-24 19:41
Bark Air - Тэжээвэр нохойтой зорчигчдод зориулагдсан анхны авиакомпани
12024-5-24 19:04
2024/05/22: Тойм мэдээ
02024-5-24 11:36
TSMC: Энэ онд дэлхийн хагас дамжуулагчийн үйлдвэрлэл 10 хувиар өснө
02024-5-24 4:05
222 жилийн түүхтэй АНУ-ын DuPont химийн компани гурван компани болон хуваагдана
02024-5-24 3:04
Зах зээлийн хүлээлтээс давсан гүйцэтгэл зарласан Nvidia-гийн нэгж хувьцаа 1000 ам.долларыг давжээ
02024-5-23 13:36
Балбын ахмад шерпа Эверестийн оргилд 30 дахь удаагаа гаран шинэ дээд амжилт тогтоожээ
12024-5-23 11:54
2 хоногтой нярайг уруул дээр нь үнэрлэснээс болж тархины саажилттай болжээ
332024-5-22 17:28