![](c/2407/SS-LJ7OX8Q-PGCRC9S-07GO4QG-3I.jpg)
Британийн шинжлэх ухааны “Nature” сэтгүүлд энэ долоо хоногт нийтлэгдсэн нийтлэлээс үзвэл, эрдэмтэд хөгшрөлтийг эрс удаашруулах арга олсон бололтой.
Тухайлбал, Сингапурын анагаахын сургууль, Лондоны Империал коллежийн эрдэмтдийн ахлан хийсэн хулгана дээрх туршилтын үр дүнд интерльюкин-11(IL-11) хэмээх уургийг хязгаарласнаар хулганын нас уртсаад зогсохгүй хөгшрөлттэй холбоотой өвчнүүдээс сэргийлж байсан гэнэ.
Судлаачдын нээснээр хөхтөн амьтан хөгшрөх тусам эд эрхтнүүд нь интерльюкин-11 уургийг улам улам ихээр ялгаруулж, улмаар биед өөх хуримтлагдаж, булчин багасаж, үс унаж, хорт хавдар тусах эрсдэл нэмэгддэг гэнэ.
Туршилтын явцад “дунд эргэм” насны хулгануудад интерльюкин-11 уургийн эсрэг биет тарихад хулганын нас эр эм ялгаагүй 25 хувиар уртассан гэнэ. Түүнээс гадна эсрэг биет тариулсан хулганууд бусдаасаа бүх талаар эрүүл, эрч хүчтэй болжээ. Мөн бусад хулгануудын 60 хувь нь хавдартай болж байхад эсрэг бие тариулснуудын 16 хувь нь хавдраар өвчилсөн аж.
Эх сурвалж: RT