Токиогийн хамгийн их жуулчин очдог Шибуяа дүүрэгт энэ оны аравдугаар сараас эхлэн гадаа буюу олон нийтийн газарт архи, согтууруулах ундаа уухыг өдөр бүр 18-05 цагийн хооронд хориглох нь.
Японд алкохол хэрэглэж болох доод нас 20 байдаг юм. Токио хотын дотор байдаг ч тусдаа захиргаатай Шибуяа дүүрэг өөрсдийн гэсэн журам боловсруулан хэрэгжүүлэх бүрэн эрхтэй байдаг аж.
Дүүргийн дарга Хасэбэ Кэн “Бид өнгөрсөн жилийн турш дүүргийнхээ амгалан тайван байдлын төлөө эргүүл болон бусад арга хэмжээнүүдээ сайжруулсан. Гэвч “уухыг хориглоно гэсэн дүрэм байхгүй” хэмээн сөргөлдөх хүн олон байлаа. Иймд бид дээрх дүрмийг хэрэгжүүлж эхэлж байна. Хүмүүс зориулалтын газартаа хүссэн зүйлээ тухтай ууж байхыг бид илүүд үздэг“ гэж ярьжээ.
Эх сурвалж: CNN