“Тоёота” компанийн зах зээлийн үнэлгээ унажээ
6 сарын 11. 17:070

Тээврийн хэрэгслийн гэрчилгээ авахдаа аюулгүй байдлын мэдээллийг хуурамчаар үйлдсэнтэй холбоотой дуулианы улмаас Японы автомашин үйлдвэрлэгч “Тоёота” компанийн зах зээлийн үнэлгээ өнгөрсөн долоо хоногт 15 тэрбум ам.доллароор буурчээ.

Японы Тээврийн яамнаас автомашин, мотоцикл, тэдгээрийн эд ангиудыг үйлдвэрлэдэг дотоодын үйлдвэрлэгчдийн үйл ажиллагаанд хийсэн шалгалтын урьдчилсан дүнг өнгөрсөн долоо хоногт танилцуулсан юм. Уг шалгалтаар “Тоёота”, “Хонда”, “Сүзүки”, “Мазда”, “Ямаха” гэсэн таван концерн дээрх гэрчилгээг авахад шаардлагатай дотоод туршилтын мэдээллийг хуурамчаар үйлдсэн нь тогтоогдсон байна.

Дээрх мэдээлэл гарсны дараа “Тоёота” компанийн хувьцааны ханш өнгөрсөн долоо хоногт нийтдээ 5.4 хувиар унаж, компанийн зах зээлийн үнэлгээ 2.45 их наяд иен буюу 15,6 тэрбум ам.доллароор буурчээ. Мөн “Мазда”-гийн хувьцаа 7.7 хувиар унасан нь зах зээлийн үнэлгээг 80.3 тэрбум иенээр (512 сая ам.доллар) буурахад хүргэсэн бол “Хонда” компанийн хувьцаа 5.8 хувиар буурч, зах зээлийн үнэлгээ нь 3 тэрбум ам.доллароор унасан байна. Өнгөрсөн долоо хоногт “Ямаха” компанийн хувьцаа 2.2 хувиар, “Сүзүки” компанийнх 0.3 хувиар тус тус буурчээ.

Хуурамч үйл ажиллагаа илэрсэнтэй холбогдуулан Японы эрх баригчид шалгалтын тайланд дурдагдсан загваруудыг худалдахаа зогсоохыг “Тоёота”, “Мазда” “Ямаха” компаниудад үүрэгджээ. “Тоёота” компани “Королла Филдер”, “Королла Аксио”, “Ярис Кросс” гэсэн гурван загварын борлуулалтыг зогсоож, компанийн тэргүүн Акио Тойода үйлчлүүлэгчдээсээ уучлал хүссэн байна. "Мазда" компани “Родстер” ба “Мазда 2” гэсэн хоёр загварын худалдааг зогсоожээ.

Эх сурвалж: Монцамэ агентлаг

 

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Сөүлд нисдэг тэргээр таксины үйлчилгээ үзүүлнэ
12024-6-12 16:50
Илон Маск Open AI компани болон Сэм Альтманы эсрэг мэдүүлсэн нэхэмжлэлээ эргүүлэн татжээ
02024-6-12 15:12
Пёняныг дэлхийд сурталчлагч англиар “ус цас” юүтүбэр Сун А охин анхаарал татав
2024-6-12 14:54
Иан Маккеллен: Амьд л байвал дахиад Гандалфын дүрд тоглоно
02024-6-12 12:47
Тайвань Хятадын усан цэргийн ахмад асанг баривчиллаа
2024-6-12 11:43
Тэгвэл Пёнян ч гэсэн хил дээрээ чанга яригч тавина
2024-6-12 11:18
Чарльзын хөргийг сүйтгэжээ
2024-6-12 10:57
Хиймэл оюун ухааны функцээ танилцуулсан Apple компанийн хувьцаа түүхэн дээд хэмжээнд хүрчээ
02024-6-12 8:29
“Хятадад NVIDIA хэрэгтэй бол NVIDIA-д Хятад хэрэггүй”
02024-6-12 6:16
Украины дарга нар тусламжийн 491 сая долларыг завшжээ
2024-6-11 15:45