Охидын поп хөгжмийн Ти-ара хамтлагийн гишүүн асан И Арым бусдаас зээлсэн 37 сая воноо буцаан өгч чадаагүйгээс болж шоронд хоригдохоор болсон байна.
Тухайлбал, Кёнги Гуанмён цагдаагийн хэлтэс өчигдөр буюу энэ сарын 12-нд И Арымыг залилангийн хэрэгт буруутган өнгөрсөн сард хорьсон талаар мэдэгджээ.
Эх сурвалжийн мэдээлснээр Арым өөрийн шүтэн бишрэгч гэх мэт гурван хүнээс нийт 37 сая вон зээлж авсан ч эргүүлж өгөөгүй байна.
Хохирогч нарын мэдүүлсэн гомдлоос үзэхэд И Арым найз залуутайгаа хамтран өнгөрсөн оны гурваас тавдугаар сарын хооронд хувийн шалтгаанаар хүмүүсээс мөнгө зээлсэн боловч одоог болтол эргүүлж төлөөгүй байгаа гэнэ.
Иймд цагдаа нар И Арым болон түүний найз залуу гэх А-г хамтад нь шалгаж байгаа гэнэ. Шалгалтын явцад Арым хэргээ хүлээсэн ч А хэрэг хүлээхээс татгалзаж байгаа аж.
И Арым Ти-ара хамтлагт 2012 онд элсэж, 2013 онд гарч байжээ.
Эх сурвалж: Yonhap