Цахилгаан автомашин үйлдвэрлэгч Америкийн Тесла компани Тайланд болон Зүүн Өмнөд Азийн бусад бүс нутагт үйлдвэр барих төлөвлөгөөгөө зогсоож, оронд нь цэнэглэх станц барихад анхаарлаа хандуулахаар шийдсэн гэх мэдээлэл гарчээ.
Тайландын The Nation мэдээллийн портал сайт 8-ны өдөр засгийн газрын эх сурвалжаас иш татан Тесла Тайландад цахилгаан автомашин үйлдвэрлэх байгууламж барих төлөвлөгөөгөө цуцалсан тухай мэдээлсэн байна. Тус эх сурвалж "Одоогоор Тайландын албаны хүмүүс тус компанитай цэнэглэх станцуудыг өргөтгөх талаар ярилцаж байна" гэж тайлбарлав.
Тус компани Тайландаас гадна Малайз, Индонез зэрэг Зүүн өмнөд Азийн бусад орнуудад үйлдвэр барих төлөвлөгөөгөө ч зогсоосон гэж онцлон тэмдэглэсэн байна.
Тайландын ерөнхий сайд Тета Тависин өмнө нь Тесла Тайландад үйлдвэр барихаар гурван ч газрыг судалж байгаа бөгөөд энэ оны эхний улиралд 5 тэрбум гаруй ам.долларын хөрөнгө оруулалт хийх төлөвтэй байгаа хэмээн мэдэгдэж байсан билээ.
Эх сурвалж: Asiae