Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
7 сарын 10. 14:360

Японы автомашин үйлдвэрлэгч Honda компани Хятадын цахилгаан автомашин үйлдвэрлэгчдийн шахалтаас болж Тайланд дахь нэг үйлдвэрийнхээ үйл ажиллагааг зогсоох шийдвэр гаргажээ.

Reuters болон Bloomberg агентлагийн орон нутгийн цагаар 9-ний өдөр мэдээлснээр, Honda ирэх жил гэхэд Тайландын Аюттая муж дахь үйлдвэрийнхээ үйл ажиллагааг зогсоож, Прачинбури муж дахь үйлдвэртэй нэгтгэхээр болсон талаар онцлов.

Тус компанийн зүгээс мэдэгдэхдээ Тайландад Хятадын цахилгаан автомашин үйлдвэрлэгчидтэй ширүүхэн өрсөлдөөнийг өрнүүлж байгаагаас гадна Энэтхэг рүү экспортлох хэмжээ багассан зэрэг нь энэхүү шийдвэрт нөлөөлсөн гэж тайлбарласан байна.

Honda компанийн Тайланд дахь үйлдвэрлэл 2019 онд 228.000 нэгж байсан бол өнгөрсөн онд 150.000 нэгж болтлоо буураад зогсохгүй борлуулалт нь дөрвөн жил дараалан 100.000 нэгжээс доогуур байгаа аж.

Нөгөөтэйгүүр Тайландын засгийн газраас хэрэгжүүлж буй цахилгаан автомашины үйлдвэрлэлийг дэмжих бодлогын хүрээнд Хятадын цахилгаан автомашины компаниуд тус улсад олноор нэвтэрч, асар хурдацтай өргөжин тэлж байгаа юм.

Зах зээлийн судалгааны Counterpoint Research компанийн мэдээлснээр, энэ оны эхний улиралд Хятадын цахилгаан автомашины BYD компанийн Тайландын цахилгаан автомашины зах зээлд эзлэх хувь 46 хувьд хүрээд зогсохгүй Хятадын компаниуд 80 хувийг бүрдүүлэхэд тун ойрхон очоод байгааг цохон тэмдэглэсэн байна.

Тодруулбал, BYD энэ сард Бангкок хотын өмнөд хэсэгт Зүүн өмнөд Азийн анхны үйлдвэрийнхээ бүтээн байгуулалтын ажлыг дуусгасан бөгөөд уг үйлдвэрт жилд 150.000 нэгж бүтээгдэхүүн үйлдвэрлэхээр төлөвлөж буй аж.

Эх сурвалж: MBC

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Парисын олимпод оролцож буй тамирчдын хамгийн өндөр орлоготой нь өдөрт 6 сая ам.доллар олдог
02024-7-25 21:57
Honda Хятад дахь дотоод шаталтат хөдөлгүүрт автомашины үйлдвэрлэлээ 30 хувиар танана
02024-7-25 17:09
Номын сангаас зээлсэн номыг 47 жилийн дараа буцаан өгчээ
2024-7-25 16:52
ХБНГУ: Цаг уурын тэмцэгчдийн улмаас Франкфуртын нисэх онгоцны буудлын нислэг түр саатжээ
02024-7-25 15:58
Парисын олимпод урилгагүй зочин Ковид-19 гийчилжээ
2024-7-25 15:00
Газрын тосны магнатууд Трампын сонгуулийн кампанит ажилд асар их мөнгө цутгаж байна
02024-7-25 14:49
БНСУ: Төрөлт багассанаас 2000 цэцэрлэг хаагдаж, ахмадын 3000 асрах газар нээгдэв
02024-7-25 14:44
Аялахад хамгийн аюулгүй хотоор Сингапур шалгарчээ
02024-7-25 13:50
CU Конвиниенс дэлгүүр 400 дахь салбараа Сэлэнгэ аймгийн Сүхбаатар суманд нээлээ
02024-7-25 12:32
Сэргээгдэх эрчим хүчний нийлүүлэлт эрэлтээ давснаас цахилгааны үнэ хасах руу оржээ
2024-7-25 12:26