Apple компани хиймэл оюун ухааны чип бүхий Mac mini компьютерийн шинэ загварыг энэ онд багтаан гаргахаар төлөвлөж буй талаар Bloomberg News агентлаг мэдээлэв.
Тус агентлагийн мэдээлснээр энэхүү шинэ загварын Mac mini нь тус компанийг Стив Жобс удирдаж байх үе буюу 2010 оноос хойших дизайны хамгийн томд тооцогдох өөрчлөлт болж буйгаараа онцлог юм.
Түүнчлэн энэхүү загвар нь Apple компанийн хамгийн жижиг хэмжээтэй суурин компьютер болох бөгөөд Apple TV-ийн хайрцагтай ойролцоо хэмжээтэй байх аж.
Apple TV-ийн хайрцаг нь 3.7 инч буюу 9.1 сантиметр орчим байдаг юм.
Энэхүү шинэ загварт Apple-ийн хиймэл оюун ухааны технологийн M4 чипийг суурилуулах гэнэ.
Эх сурвалж: YTN