Шведийн засгийн газар цагаач иргэдийг эх орондоо буц хэмээн 34 мянган ам.доллар хүртэл мөнгө төлөхөөр болсон хэмээн Цагаачлалын сайд Иохан Форсселл пүрэв гарагт мэдээлжээ.

Тухайлбал хэвлэлийн бага хурал дээр сэтгүүлчдэд ярихдаа Форсселл 2026 оноо сэхлэн сайн дураар нутаг буцаж байгаа цагаач иргэд350 мянган швед крон буюу 35 мянган ам.доллартай тэнцэх мөнгө авах боломж бүрдэх гэнэ.

Өмнө 1980-аад онд хэрэгжүүлж эхэлсэн тогтолцооны дагуу бол Швед өдгөө нутаг буцах цагаачдад насанд хүрсэнд нь 10 мянган крон, хүүхдэд 5000 крон олгодог билээ. Гэвч өнгөрсөн онд гэхэд ганцхан хүн 10 мянган крон авч нутаг буцсан аж.

Гэртээ харь хэмээн цагаачдад мөнгө төлөх нь 2015 онд Гадаад хэргийн сайд Маргот Уоллсторм 160 мянган орогнол хүсэгчид улсынхаа үүд хаалгыг дэлгэсэн явдлын яг эсрэг нь болж байна хэмээн ажиглагчид үзэж байна. Түүнээс хойш жилүүдэд Ойрхи Дорнод, Умард Африк голцуу сая хүрэхгүй цагаач Шведэд очсон билээ.

Гэвч цагаачидтай хамт Шведэд гэмт хэрэг ирсэн гэлдэг аж. Тухайлбал, 2012-2023 оны хооронд хүн амьны гэмт хэргийн тоо хоёр дахин, 2013-2021 оны хооронд бэлгийн хүчирхийллийн гэмт хэрэг 56 хувиар өссөн гэнэ. Түүнчлэн 2017 оны нэгэн судалгаагаар Шведэд болсон буудалцааны буруутнуудын 90 хувь нь цагаачид байжээ.

Иймд өнгөрсөн онд 12 цагийн дотор гурван ч хүн цагаачдад буудуулж амиа алдсан болон Ойрхи Дорнодын хар тамхины бүлгэмүүдийн үйл ажиллагаа хяналтаас гарсан явдалд Шведийн Ерөнхий сайд Ульф Кристерссон энэ асуудалд онцгой анхаарал хандуулж, цагаачдын гэмт хэргийг бууруулахаар хичээн ажиллахаа амласан юм.

Эх сурвалж: RT