Теннеси мужийн Нашвилл хотын цагдаа нар дуучин Жон Бон Жовиг гүүрэн дээрээс нисэх гэж байсан эмэгтэйтэй ярилцан тайтгаруулж, эмгэнэлт явдлаас сэргийлж чадсан хэмээн зарлан магтаж байна.
Цагдаа нарын мэдээлснээр Жон Сейгентхалер гүүрний хашлага дээр эмэгтэй хүн зогсож байгаа мэдээлэл ирэхэд тухайн гүүрэн доор Жон Бон Жови зураг авалттай байж таарчээ.
Иймд болох гэж байгаа үйл явдлыг анзаарсан Бон Жови зургийн багийн нэг гишүүнтэйгээ хамт эмэгтэй дээр очиж, мэнд мэдэн яриа өрнүүлсэн байна.
Хяналтын болон цагдаагийн албан хаагчдын энгэрийн дүрс бичлэгт тэдний яриа үлдээгүй ч нэг минут орчим ярилцсаны эцэст Бон Жови эмэгтэйн бугуйнаас атгаж, багийн гишүүнтэйгээ хамтран буцаагаад гүүрэн дээр гаргасан аж.
Дуучин Бон Жови тэндээ эмэгтэйг хэсэг тэврэн зогсоод, хамтдаа гүүрнээс буужээ. Гэвч энэ талаар түүний төлөөлөгч хэвлэлийнхний асуултад хараахан хариу өгөөгүй байгаа гэнэ.
Эх сурвалж: NBCnews