Өмнөд Солонгосын зуны хэт халуун өдрүүд үргэлжилж, түүнээс болж хорогдсон тахиа, гахай болон бусад мал амьтны тоо нэг саяд дөхөөд байна.
Тухайлбал, БНСУ-ын Дотоод хэрэг, аюулгүй байдлын яамны өнөөдөр/08.21/ мэдээлснээр одоогийн байдлаар зургаадугаар сарын 11-нээс энэ сарын 20-ныг хүртэлх хэт халуунаас шалтгаалан нийт 997 мянган мал амьтан хорогдсон байна. Үүний 60 мянга нь гахай гэнэ.
Түүнээс гадна загасны аж ахуйн нийт 269 загасны фермд хохирол 5.672 сая загасаар тоологдож байгаа аж.
Цаашлаад тавдугаар сарын 20-ноос энэ сарын 19-ний өдөр хүртэл халуунаас шалтгаалан эрүүл мэндийн байгууллагад хандсан өвчтөний тоо 2890 болсон нь өнгөрсөн оны мөн үеийнхээс 389-өөр өссөн үзүүлэлт юм. Ялангуяа зөвхөн энэ сарын 19-ний өдөр л гэхэд нийт 71 хүн эмнэлэгт ханджээ. Мөн халуунаас болж нас барсан хүний тоо нэгээр нэмэгдэж 26 болсон нь өнгөрсөн оныхоос дөрвөөр багассан тоо юм.
Эх сурвалж: Yonhap