Өдгөө 55 настай поп од Мэрайя Кэрид хүнд гарз тохиож, нэгэн өдөрт ээж, эгч хоёроосоо хагацсан талаар АНУ-ын хэвлэлүүд мэдээлж байна.
Дуучин Кэри “Өнгөрсөн долоо хоногт би ээжийгээ алдаж элэг эмтэрч явна. Хамгийн эмгэнэлтэй нь уй гашуу ингээд дууссангүй. Эгч минь бас тэр өдөр өнгөрч сэтгэлийг минь хоосрууллаа. Ээжийгээ өнгөрөхөөс өмнө амжиж хамт байсандаа л баярлаж байна. Энэ хүнд хэцүү үед хувийн орон зайг минь хүндэлж, бас хайр энэрэл, тусламжаа үзүүлсэн хүн бүхэнд талархъя” хэмээн мэдээлжээ.
Нутгийн хэвлэл мэдээллийнхний мэдээлж байгаагаар Кэригийн эгч Аллисон 63 насандаа эрхтэн дутагдлаас болж эмчлүүлж байгаад амьсгал хураажээ.
Харин ээж Патришиа нь ямар шалтгаанаар нас барсан талаар нарийн мэдээлэл одоохондоо нууц байгаа юм.
Патришиа алдарт Жуйллиард сургуулийг хийлч мэргэжлээр төгсөж байсан хүн билээ. Нэгэн ярилцлагадаа Кэри ээжийгээ дуурайж урлагийн хүн, тэр дундаа дуучин болно гэж бага наснаасаа мөрөөдсөөр ирсэн талаараа ярьсан юм.
Эх сурвалж: Yonhap