Өмнөд Солонгосын Засгийн газар алдартай хөгжим, телевизийн цуврал ("дорам"), уран сайхны кино зэрэг соёлын контентуудыг бүтээх талбар болох хотыг 2035 он гэхэд байгуулахаар төлөвлөж байгаа тухай тус улсын Соёл, спорт, аялал жуулчлалын сайд Юн Ин Чоны мэдэгдсэнийг “Блүүмберг” агентлаг уламжилжээ.

Энэ хотод зугаа цэнгэлийн чиглэлээр мэргэжилтэн бэлтгэх янз бүрийн байгууллагуудыг байрлуулахаар төлөвлөсөн байна. Кино үйлдвэрлэгчдийг дэмжих, жуулчдыг татахын тулд Жүсон улсын үеийн ордны хуулбарыг бүтээх ажээ. "Бид зугаа цэнгээний томоохон хотыг байгуулахаар төлөвлөж байна. Засгийн газар төлөвлөгөө боловсруулж, дэд бүтцийг нь байгуулах боломжтой" гэж Ю Ин Чон “Блүүмберг” телевизэд ярилцлага өгөхдөө хэлжээ.

Өмнөд Солонгос хэдийгээр уран сайхны кино, олон ангит кино, поп хөгжмөөрөө алдартай боловч энтертайнментын салбарт Холливүүдтэй харьцуулахуйц газар байдаггүй. Уг хотыг 3.3 хав. дөр. км талбайд байгуулна гэж таамаглаж байна. Хотын нэр ба байршлыг хараахан сонгоогүй байгаа ажээ.

Эх сурвалж: МОНЦАМЭ