БНХАУ хүн төрхт роботын хөгжлөөр дэлхийд тэргүүлэх зорилготой ажиллаж байгаа энэ үед роботын эд анги, түүхий эд нийлүүлэгч, бүтээгч нар Бээжинд болсон дэлхийн роботын чуулганд чуулан хямд, шинэлэг бүтээгдэхүүнүүдээ танилцуулж, зарим нь уг салбарт тулгараад байгаа асуудлыг хөндөв.

Чуулганд оролцсон Шенженд төвтэй Виссон Технологи компани гэхэд бусад гадаадын үйлдвэрүүд шиг мотор, хөдөлгүүр гэх мэт хөдөлгөөний төхөөрөмж хэрэглэхийн оронд 3D хэвлэлээр бүтээсэн хуванцар хиймэл булчин ашиглахыг санал болгож байна.

Виссон компанийн хөрөнгө оруулагч Цао Вэйн хэлж байгаагаар ийнхүү илүү хямд технологи ашигласнаар роботын нэг гарыг л гэхэд өмнөх аргаас арав дахин хямд бөгөөд илүү уян хатан бүтээж болно гэжээ. Тухайлбал, тухайн компанийн албан ёсны цахим хуудаснаа нийтэлснээр роботын нэг гар бүтээхэд 1404 ам.доллар байхад болох гэнэ.

Харин роботын хөдөлгөөнт үе, нугас дагнан бүтээдэг Шанхайд төвтэй Ti5 Робот компанийн үүсгэн байгуулагч Еи Ган роботын эд ангийн нийлүүлэлтийн сүлжээнд олон асуудал тулгарч байгаа тухай асуудлыг хөндсөн байна.

Тэрээр нийлүүлэлтийн сүлжээг илүү чанартай, найдвартай олгох шаардлагатай байгааг онцлоод, чанаргүй түүхий эдээс шалтгаалан тэдний компани л гэхэд нэг бүтээгдэхүүнээс дээд тал нь 1000 ширхгийг гаргаж чадаж байгаагаа дэлгэжээ.

Эх сурвалж: Reuters