Цахим технологийн Apple компани iOS 18.1, iPadOS 18.1, macOS 15.1 Sequoia үйлдлийн системүүдийнхээ шинэчлэлийг танилцуулжээ. Эл шинэчлэлээр тус брэндийн хиймэл оюун ухаан гэрэл зураг дээрээс аливаа хүсээгүй, илүү дүрсийг арилгах чадвартай болсон байна.

Тухайлбал цэвэрлэгээ(Clean Up) үйлдлийг ашиглан хэрэглэгч гэрэл зураг дээрээс хүсээгүй дүрсээ сонгосноор хиймэл оюун ухаан зургийн чанарт нөлөөлөхгүйгээр тухайн дүрсийг арилгаж өгөх юм байна. Тэгэхдээ хиймэл оюун ухааны гүйцэтгэх гол үүрэг нь тухайн дүрсний үлдээх хоосон зайг зөв зүйтэй дэвсгэрээр дүүргэхэд оршиж байгаа аж. Тэгэхдээ орчны сүүдэр, гэрлийн тусгал зэргийг онцгой анхаарснаар дүрс арилгасан нь мэдэгдэхээргүй үр дүн гарах гэнэ.

Арилгах дүрсээ сонгохдоо хэрэглэгч тухайн дүрсний аль нэг хэсэгт ганц дарснаар ухаалаг утас түүнийг нь таньж автоматаар сонгож өгөхөөс гадна хэрэглэгч хүсвэл тухайн дүрсийг тойруулан зурах, дарж будсан ч болох аж.

Харин Apple-ын өрсөлдөгч Google компани үүнтэй төстэй үйлчилгээг энэ оны эхээр хэрэглэгчдийн хүртээл болгосон билээ.

Эх сурвалж: THECHURCH