Европын холбоо ОХУ-ын Ерөнхийлөгч Владимир Путины Монголд хийсэн айлчлалыг ажиглаж, Улаанбаатар зочноо саатуулаагүйд харамсаж байгаагаа илэрхийлжээ.

Тухайлбал, В.Путин Монголд яриа хэлэлцээ хийхийн сацуу Халхын голын дайнд Японы эзэнт гүрнийг ялсан ялалтын 85 жилийн ойг тэмдэглэн хүндэтгэл үзүүлэхээр айлчилж, хоёр хоносон юм.

Энэ талаар ЕХ мягмар гарагт “Ерөнхийлөгч Путинг хууль бусаар хүүхдүүдийг нүүлгэн шилжүүлсэн тул дайны гэмт хэрэгт буруутган баривчлах тушаалыг ОУЭШ гаргасан. Гэтэл ОУЭШ-ийн Ромын тогтоолд нэгдсэн Монгол улс дээрх тушаалыг биелүүлээгүй явдалд ЕХ машид харамсаж байна” хэмээн мэдэгджээ.

ОУЭШ-ээс 2023 оны гуравдугаар сард Путинг баривчлах тушаал гаргасан билээ. Гэвч ОХУ-ын зүгээс Ромын тогтоолд нэгдээгүй учир дээрх тушаал ямар ч үндэслэлгүй хэмээн үзэж байгаа юм.

ОУЭШ болон Украины зүгээс Путинг баривчлахыг Улаанбаатараас эрчимтэй шаардаж байсан нь Кремль тус уулзалт, айлчлалыг эртнээс тохиролцсон, баривчилгаа болохгүй гэж шийдсэн тул санаа зовох асуудалгүй хэмээж байсан юм.

Эх сурвалж: RT